Norski skógarkötturinn

Mér fannst Margrét Pétursdóttir áberandi best á borgarfundinum í kvöld. Djöfull lét hún "norska skógarköttinn" ,geir hilmar haarde, heyra það. Ó hvað hann átti þetta skilið. Og ekki lét hún hinn andlitsfríða, davíð oddsson, síður finna fyrir því, en hvar var sá lubbi? Ég var svo innilega sammála henni. Og sjá þennan mikla mann, geira litla, hvað hann var þungur á brún og hvað honum var ekki skemmt  að þurfa að hlusta á staðreyndir um sjálfan sig og dabba. Já mér sýnist það vera erfitt að vera sjálfstæðismaður núna. Og þess vegna vil ég að Samfylkingin og Ingibjörg Sólrún standi fastar á sinni sannfæringu að koma dabba burt frá öllum afskiptum af fókli í landinu. Ef sjálfstæðisflokkurinn getur ekki fallist á þetta þá á Samfylkinginn að slíta þessu stjórnarsamstarfi við samstarfsflokkinn. Ingibjörg þarf að vera meira sannfærandi núna á þessum dögum og hefði kannski mátt vera kraftmeiri þarna í kvöld eins og samstarfsmaður hennar, Össur Skarphéðinsson. Sá var að skemmta sér vel. Sá eini sem mér fannst standa sig vel frá sjálfstæðisflokknum var Þorgerður Katrín Gunnarsdóttir. Mér sýnist hún vera sú sem heldur sjálfstæðisflokknum á jörðinni.

Litli Sir alltaf eins.

Teflir fram blönduðu liði, sem þýðir jú strákar og stelpur saman í liði. Sé að vísu bara aðra stelpuna í liðinu hjá honum í kvöld ( Neville systirin ) það vantar alveg hina stelpuna sjálfa Rónöldu.

Blandað lið hjá Man.Utd

Stolt sjálfstæðisflokksins, tryggjum stöðugleika í efnahagslífinu.

Skora á ykkur að hlusta á þetta. Eftir að þið komið inná forsíðu þessar hræsnaraflokks þá skrollið þið niður og finnið bláan ramma sem á stendur kynningarmyndband. Þetta sannfærir mig enn meira um algjört vantraust á sjálfstæðisflokkinn.

Flott í Sviss en burt með dabba og geir, helst úr landi.

Ég skrapp til Sviss í síðustu viku til að kynna mér unglingaknattspyrnu þar í landi. Þetta var frábær ferð og skemmtilegur hópur. Við vorum 11 sem fórum frá Íslandi, 9 þjálfarar af landsbyggðinni, 1 fararstjóri og 1 túlkur. Allir fyrirlestra og kynningar fóru fram á frönsku og því var gott að hafa einn túlk með í för. Aðstaðan er þarna alveg til fyrirmyndar, hvort sem maður fór í stóru íþróttahallirnar sem meðal annars rúmuðu 4 stóra körfuboltavelli og aðstöðu fyrir stangarstökk eða hvort maður leit yfir fótboltavellina sem voru frá 3 völlum upp í 6 velli og allir voru þeir í löglegri stærð. Hreint út sagt stórkostlegt og ekki laust við það að maður óskaði sér þess að maður væri að hefja fótboltaferil og maður fengi að fara í æfingabúðir á svona stað.

En annars var ég að velta fyrir mér allri þessari vitleysu sem peningastefna Seðlabankans og sjálfstæðisflokksins er. Ég vona að Ingibjörg Sólrún fari nú að hafa kjark til þess að fara að gefa skít í Geir H og Davíð Odds. og slíta þessu samstarfi við helvítis íhaldið. Kjörorð sjálfstæðisfokksins hefur alltaf verið, halda stöðugleika í landinuog mér sýnist að þeim sé að takast það núna í fyrsta skiptið síðan sá flokkur var til. Frábært. Meira að segja Valgerður Sverrisdóttir, Framsókanarflokki  hefur komið fram í fjölmiðlum og sagt að öll þessi vandamál sem við glímum við í dag eigi upptök sín í stjórnartíð Framsóknar og sjálfstæðismanna. Hún hefur einnig talað um það að hún hafi ekki viljað fara svona geyst í einkavæðingu bankanna en engu við ráðið. geir og dabbi stjórnuðu þessu því græðgin var svo mikil og mun sennilega drepa þá. En þeir eru svo vitlausir greyin, í einni setningunni tala þeir um að þeir séu ekki að leita að sökudólgum en segja svo í þeirri næstu að sökudólgarnir séu útrásarvíkingarnir. ER hægt að treysta svona bullustömpum? Nei, og því segi ég við ykkur kjósendur, þið skuluð muna þetta þegar kemur að því að kjósa til Alþingis næst. Vonandi verður það sem fyrst og þá getum við sótt um aðild að Evrópusambandinu og tekið upp Evruna árið 2010.  Út með sjálfstæðisflokkinn og sendum davíð í útlegð og setjum á hann landvistarbann.