Frestun á fjárframlagi ríkisins í ferðajöfnunarsjóð Í.S.Í. bitnar á grasrótinni

Þetta eru sorglegar fréttir fyrir okkur sem búum út á landi og erum að vinna að forvarnarstarfi fyrir börn og unglinga. Íþróttahreyfingin út á landi hefur alltaf þurft að hafa fyrir hlutunum og oftar en ekki þurft að ferðast til höfuðborgarsvæðisins til að taka þátt í hinum ýmsum keppnum og minni mótum. Þessi niðurskurður kemur hins vegar ekkert niður á íþróttafélögum á höfuðborgarsvæðinu því ferðakostnaður þeirra er gegnum gangandi um 5-20% af ferðakostnaði félaga á landsbyggðinni og hafa þau þar af leiðandi ekki notið neins styrk úr þessum sjóði að ráði enda heitir hann ferðajöfnunarsjóður ÍSÍ. Ef einhver niðurskurður á að vera þá á hann alls ekki að bitna á grasrótinni, eða það sagði Þorgerður Katrín alla veganna þann 28. nóv síðastliðinn í sjónvarpsfréttum RÚV. Þessi tillaga kemur því á óvart ef eitthvað er að marka orð Íþrótta- og menntamálaráðherra Íslands. Ég skora á íslensk stjórnvöld að skoða þessa tillögu vandlega áður en þau samþykkja hana því þetta getur haft mjög slæmar afleiðingar í för með sér. Og þá er ég bara að horfa á það forvarnargildi sem íþróttir hafa.

Bensínið ódýrast í Neskaupstað

Vissi það alltaf að það er gott að búa á Norðfirði, eða í Neskaupstað. En að ég búi á Neskaupsstað eins og blaðamaður DV virðist halda fram í frétt sinni, um hvar bensínið er ódýrast, er bara rangt. Við sem búum á Norðfirði búum einnig í Neskaupstað. Þarna er um kunnáttuleysi fréttamanns að ræða í stafsetningu eins og hjá svo mörgum öðrum sem eru að skrifa frétt um þann fallega og skemmtilega bæ. Í öllum bænum, blaðamenn, takið ykkur nú á í þessu. Mér finnst svo leiðinlegt að lesa svona málvillur. Framvegis muna svo allir að við segum og skrifum Í Neskaupstað og á Norðfirði.

man-utd fær hjálp frá ensku mafíunni og sjónvarpsstöðvunum.

Var að skoða hvíldina sem topplið ensku úrvalsdeildarinnar fá um jólin. Liverpool og Arsenal fá minnstu hvíldina á milli leikja frá 26. - 28. des.  eða 43 klst. man-utd fær lengstu hvíldina á milli þessara leikja  eða 77 klst (skrýtið). Chelsea fær 47 klst. Af hverju skal ekki jafnt yfir alla ganga á þessum álagstíma. Eru kannski enska knattspyrnusambandið og bresku sjónvarpsstöðvarnar að hjálpa man-utd að vera með í titilbaráttunni? Þeim veitir reyndar ekki af því, blessuðum. Því einhvern veginn verður að reyna að jafna þetta svo Liverpool og Chelsea stingi ekki liðin af.