Get ekki sætt mig við þessa hegðun

Hann var búinn að mótmæla öllum brotunum sem hann átti sök á og segist svo ekkert skilja hvers vegna "Stífi Benni" rak hann af velli. Þessi hegðun hans var honum til skammar og mér fyndist réttast af stjóra minna manna að setja hann í agabann út tímabilið þó svo þeir hafi kannski ekki efni á því. Þeir eru jú bara að berjast um fjórða sætið og það gegn Everton sem telst ekki mikil hindrun í boltanum en á einhvern óskiljanlegan hátt eru þeir að reyna við þetta fjórða sæti. Ég tel að brottrekstur Maccaroni grautsins sé orsök þessa stóra taps Liverpool gegn mjög góðu liði Man.Utd. Mér fannst United ekkert þurfa á aðstoð "Stífa Benna" dómara að halda því þeir voru mikið sterkari aðilinn í leiknum og greinilegt að hann var ekki andlega undirbúinn í þennan stórleik sem þetta átti að vera en varð aldrei.  Ég hugsa að leikar hefðu þróast öðruvísi ef Liverpool hefðu ekki misst mann útaf. En heilt yfir þá var þetta sanngjarn sigur United og hann hefði hæglega geta orðið stærri.

Vona að menn komi með þroskaðar skoðanir á þessum leik.

Mascherano biðst afsökunar

Vel heppnað kvöld

Var að koma heim af vel heppnuðu styrktar- og uppbyggingarkvöldi fyrir hana Möttu. Þarna komu margir ungir listamenn fram og er óhætt að segja að við eigum marga upprennandi stjörnur hér í Neskaupstað. Þetta kvöld var tekið upp á vídeó og verður sent til Köben og vonandi geta þau notið þess sem þarna fór fram. Ég spilaði tvö lög, eitt eftir sjálfan mig sem heitir Dagur númer fimm og annað eftir konung íslenskrar tónlistarsögunnar sjálfan Bubba Morthens lagið Talað við gluggann. Mætingin var mjög góð og söfnuðust hvorki meira né minna en rúmlega 700.000 kr. Gott mál.

Styrktar- og uppbyggingarkvöld fyrir Matthildi Matthíasdóttur og fjölskyldu.

Ég verð að spila á þessu kvöldi til styrktar henni Möttu og fjölskyldu hennar. Dagskráin byrja kl. 20:00 á fimmtudagskvöldið 14. febrúar og eru haldnir í sal Nesskóla Neskaupstað.

Gangi þér vel Matta í þessu stríði, ég trúi því að þú munir standa uppi sem sigurvegari í því.

Vilhjálmur er maður sem veit hvað orðið ábyrgð merkir

Það merkir það að ef maður missir eða er hreinlega rekinn úr stóli borgarstjóra þá er maður búinn að bera ábyrgð. Sniðugt. Síðan telur hann sér trú um það að ef maður nær þessum borgarstjórastól aftur á ógeðfelldan og óheiðarlegan hátt þá er maður búinn að bera fulla ábyrgð. Svona er pólitísk skoðun sjálfstæðismanna á því að bera ábyrgð.  Kemur þetta á óvart? Nei.

Þorrablótstörn

Ég afrekaði að fara á 3 blót þetta árið, reyndar sló Ingibjörg mér við því hún fór á 4. En ég er búinn að fá nóg af þorramat þetta árið, held að ég sé búinn að innbyrða svona eins og eitt gott trog af þorramat svo ekki sé nú talað um allt það áfengismagn sem fylgir svona skemmtunum. Veit ekki hvaða mælieiningu sé best að nota til að segja til um áfengismagnið.

En nú tek ég skemmtanapásu á þessu.