Litli Sir alltaf eins.

Teflir fram blönduðu liði, sem þýðir jú strákar og stelpur saman í liði. Sé að vísu bara aðra stelpuna í liðinu hjá honum í kvöld ( Neville systirin ) það vantar alveg hina stelpuna sjálfa Rónöldu.

Blandað lið hjá Man.Utd

Stolt sjálfstæðisflokksins, tryggjum stöðugleika í efnahagslífinu.

Skora á ykkur að hlusta á þetta. Eftir að þið komið inná forsíðu þessar hræsnaraflokks þá skrollið þið niður og finnið bláan ramma sem á stendur kynningarmyndband. Þetta sannfærir mig enn meira um algjört vantraust á sjálfstæðisflokkinn.

Flott í Sviss en burt með dabba og geir, helst úr landi.

Ég skrapp til Sviss í síðustu viku til að kynna mér unglingaknattspyrnu þar í landi. Þetta var frábær ferð og skemmtilegur hópur. Við vorum 11 sem fórum frá Íslandi, 9 þjálfarar af landsbyggðinni, 1 fararstjóri og 1 túlkur. Allir fyrirlestra og kynningar fóru fram á frönsku og því var gott að hafa einn túlk með í för. Aðstaðan er þarna alveg til fyrirmyndar, hvort sem maður fór í stóru íþróttahallirnar sem meðal annars rúmuðu 4 stóra körfuboltavelli og aðstöðu fyrir stangarstökk eða hvort maður leit yfir fótboltavellina sem voru frá 3 völlum upp í 6 velli og allir voru þeir í löglegri stærð. Hreint út sagt stórkostlegt og ekki laust við það að maður óskaði sér þess að maður væri að hefja fótboltaferil og maður fengi að fara í æfingabúðir á svona stað.

En annars var ég að velta fyrir mér allri þessari vitleysu sem peningastefna Seðlabankans og sjálfstæðisflokksins er. Ég vona að Ingibjörg Sólrún fari nú að hafa kjark til þess að fara að gefa skít í Geir H og Davíð Odds. og slíta þessu samstarfi við helvítis íhaldið. Kjörorð sjálfstæðisfokksins hefur alltaf verið, halda stöðugleika í landinuog mér sýnist að þeim sé að takast það núna í fyrsta skiptið síðan sá flokkur var til. Frábært. Meira að segja Valgerður Sverrisdóttir, Framsókanarflokki  hefur komið fram í fjölmiðlum og sagt að öll þessi vandamál sem við glímum við í dag eigi upptök sín í stjórnartíð Framsóknar og sjálfstæðismanna. Hún hefur einnig talað um það að hún hafi ekki viljað fara svona geyst í einkavæðingu bankanna en engu við ráðið. geir og dabbi stjórnuðu þessu því græðgin var svo mikil og mun sennilega drepa þá. En þeir eru svo vitlausir greyin, í einni setningunni tala þeir um að þeir séu ekki að leita að sökudólgum en segja svo í þeirri næstu að sökudólgarnir séu útrásarvíkingarnir. ER hægt að treysta svona bullustömpum? Nei, og því segi ég við ykkur kjósendur, þið skuluð muna þetta þegar kemur að því að kjósa til Alþingis næst. Vonandi verður það sem fyrst og þá getum við sótt um aðild að Evrópusambandinu og tekið upp Evruna árið 2010.  Út með sjálfstæðisflokkinn og sendum davíð í útlegð og setjum á hann landvistarbann.

Ótrúlega áhugalausir netmiðlar

Ég er búinn að skrolla stóru fótboltasíðurnar í dag og finn ekki eina frétt um leiki helgarinnar í Lengjubikar kvenna. Bæði fótbolti.net og gras.is sjá ekki ástæðu til að minnast á leikina hjá konunum en eru tilbúnir að segja frá því að þjálfari Keflavíkur sem er með lið sitt í Tyrklandi þurfi að kenna strákunum sínum sem eru á skólabekk á meðan þeir dveljast þarna í Tyrklandi, hverjum er ekki sama. Þessir netmiðlar eru ekki að standa sig útfrá jafnréttissjónarmiði. Mér finnst þetta sýna hroka hjá þessum netmiðlum gagnvart íslenskri kvennaknattspyrnu. Kannski er þetta bara hroki í mér.

Það hefur ekkert breyst hjá mér.

Bandarísk stjórnvöld eru enn að myrða saklausa borgara og eru því í sama flokki og kínversk stjórnvöld með sína aftöku stefnu og aðrir hryðjuverkamenn. Hvað er það sem réttlætir bandarísk hryðjuverk?

Viðhorf til Bandaríkjanna jákvæðara

Vel heppnað kvöld

Var að koma heim af vel heppnuðu styrktar- og uppbyggingarkvöldi fyrir hana Möttu. Þarna komu margir ungir listamenn fram og er óhætt að segja að við eigum marga upprennandi stjörnur hér í Neskaupstað. Þetta kvöld var tekið upp á vídeó og verður sent til Köben og vonandi geta þau notið þess sem þarna fór fram. Ég spilaði tvö lög, eitt eftir sjálfan mig sem heitir Dagur númer fimm og annað eftir konung íslenskrar tónlistarsögunnar sjálfan Bubba Morthens lagið Talað við gluggann. Mætingin var mjög góð og söfnuðust hvorki meira né minna en rúmlega 700.000 kr. Gott mál.

Styrktar- og uppbyggingarkvöld fyrir Matthildi Matthíasdóttur og fjölskyldu.

Ég verð að spila á þessu kvöldi til styrktar henni Möttu og fjölskyldu hennar. Dagskráin byrja kl. 20:00 á fimmtudagskvöldið 14. febrúar og eru haldnir í sal Nesskóla Neskaupstað.

Gangi þér vel Matta í þessu stríði, ég trúi því að þú munir standa uppi sem sigurvegari í því.

Vilhjálmur er maður sem veit hvað orðið ábyrgð merkir

Það merkir það að ef maður missir eða er hreinlega rekinn úr stóli borgarstjóra þá er maður búinn að bera ábyrgð. Sniðugt. Síðan telur hann sér trú um það að ef maður nær þessum borgarstjórastól aftur á ógeðfelldan og óheiðarlegan hátt þá er maður búinn að bera fulla ábyrgð. Svona er pólitísk skoðun sjálfstæðismanna á því að bera ábyrgð.  Kemur þetta á óvart? Nei.

Þorrablótstörn

Ég afrekaði að fara á 3 blót þetta árið, reyndar sló Ingibjörg mér við því hún fór á 4. En ég er búinn að fá nóg af þorramat þetta árið, held að ég sé búinn að innbyrða svona eins og eitt gott trog af þorramat svo ekki sé nú talað um allt það áfengismagn sem fylgir svona skemmtunum. Veit ekki hvaða mælieiningu sé best að nota til að segja til um áfengismagnið.

En nú tek ég skemmtanapásu á þessu.

Völvan sannspá

Jú mikið rétt, völvan spáði breytingum hjá mér á þessu ári. Hún spáði því að ég myndi skipta um vinnu og það ekki bara einu sinnu heldur 2 sinnum og sú er aldeilis sannspá. Eftir helgina verð ég að öllum líkindum kominn í vinnu hjá nýjum vinnuveitendum. Ekki mun þó mikið breytast hjá mér því það er einungis  verið að selja rekstur G.Skúlasonar á Reyðarfirði og ég verð því áfram fyrst um sinn á sama vinnustaðnum bara hjá öðrum vinnuveitanda sem heitir Launafl . Síðan mun ég skipta aftur um vinnu og það mun gerast 1. maí þann merkisdag. Þá mun ég taka að mér verkefni á vegum knattspyrnudeildar Þróttar Neskaupstað og verður það mjög spennandi starf. Þetta er starf nr. 2 aftur er völvan sannspá  og ekki nóg með það þetta þýðir að ég verð þá loksins atvinnumaður í fótbolta því þetta verður mitt aðalstarf. Draumarnir rætast stundum þó seint sé.