Mikið er ég glaður með þetta

Ég er handviss um það að Dagur B. verður frábær borgarstjóri. Villi gamli var ekki sannfærandi borgarstjóri og var ekki að höndla þessa ábyrgð sem fylgir þessu starfi. Borgin var í algjörri óstjórn undir forystu Sjálfstæðisflokksins. Þetta er bara einfaldlega gott mál að Sjálfstæðisflokkurinn er aftur kominn í minni hluta eftir aðeins 15 mánaða meirihluta starf sem einkenndist af yfirgangi og hroka sjálfstæðismanna.

Dagur boðar til blaðamannafundar við Ráðhúsið

Hátíð í bæ

Þá er komið að því. Verð á Trúbadorahátíð Íslands í kvöld. Spila þar frumsamið efni ef hálsbólga og kvef leyfa. Já ég er semsagt frekar slappur svona í morgunsárið en vona að þetta verði allt komið í lag í kvöld. Á þessari hátíð í kvöld verða einnig að spila Einar Ágúst, heimsfrægur Norðfirðingur og Ingvar Valgeirs, heimsfrægur Akureyringur. Ég vona að þessir góðu herramenn séu bara komnir hingað því veðurútlitið er ekkert spés, hávaða rok og leiðindi.

Prógramm kvöldsins er eins og áður sagði frumsamið.

1. Ekkert mál lag og texti samin í des 1984  2. Ó ljúfa veröld lag samið í apríl 1985 en ljóðið er úr bókinni Ljóð Vilmundar og er eftir Vilmund Gylfason heitinn.  3 Róninn lag samið í nóvember 1986 en texti er eftir mig og séra Guðmund Örn og er saminn í janúar 1985 4. Eþíópía lag og texti samin í júní 1985  5. Beiskur maður í felum lag og texti samin í júlí 1990  6. Haustlíðan lag og texti samin í október 1992  7. Sauðdrukkinn á litlum bar lag og texti samin í ágúst 2005.

Nú er bara að láta sjá sig í kvöld. Hátíðin byrjaði reynda í gær en ég komst því miður ekki en þar voru flott nöfn á ferðinni einsog Gummi Jóns úr Sálinni, Magnús Þór Sigmundsson, Halli Reynis, Auðunn Bragi ( þekki hann reyndar ekki neitt ) ásamt hátíðareigandanum sjálfum Guðmundi R.

Góða skemmtun.

Góður strákur hann Þorvaldur

En það er bara ekki rétt að hann hafi tekið við Fjarðabyggðarliðinu fyrir tímabilið. Þorvaldur var með þetta sama lið á síðasta tímabili og þá var liðið í 2. deild og sigraði þá deild með glæsibrag svo þetta var tímabil númer tvö hjá honum.

 Svo gerðum við samning við hann til þriggja ára en ekki til tveggja, sem er með endurskoðunar ákvæði eftir tvö ár.

En það er rétt, við viljum hafa Þorvald að minnst kosti eitt ár í viðbót því árangur hans með þetta lið leynir sér ekki og er mun betri en jafnvel bjartsýnustu menn þorðu að vona og bjartsýnustu spár sýndu.

 

 

Vilja halda Þorvaldi

Þetta var Birni Bjarnasyni líkt

Lýsandi dæmi um hroka Sjálfstæðismanna, svara ekki af því það hentar þeim betur.

Rússar bjóða varnarsamstarf

Ábyrgð kennara er hvort eð er enginn

Ég sem var að vona að hún "Ingibjörg mín" yrði ríkur kennari á Íslandi, við verðum þá bara að snúa okkur að öðru...........æ, já var búinn að gleyma því, ábyrgðarstuðullinn hjá kennurum er víst ekki sá sami og hjá stjórnaformanni Actavis, það er víst meiri ábyrgð að leika sér með peninga en að ala upp og kenna börnum þessa lands sem kannski verða stjórnarformenn í framtíðinni, hver veit.

Starfsaldur hefur minni áhrif á laun kennara á Íslandi en í OECD ríkjunum

Mæli með....

að eldsneytisverð og fargjald flugleiða verði hækkað um 25-30% á tímabilinu svo við fáum að hafa rjúpnastofninn í friði hér á austfjörðum fyrir skotglöðum suðvestlendingum sem fylla hér fjöll og firnindi á hverju ári. Og engin nettilboð.   

Áfram sölubann á rjúpum og rjúpnaafurðum

Peningamaðurinn mikli

Borgar bara leikmönnum í báðum landsliðunum laun.

Chelsea hafnar fréttum um Rússagreiðslur Abramovichs

Háskóli í Fjarðabyggð

Þetta líst mér vel á. Fá eitt stykki háskóla og það í Fjarðabyggð. Bíð eftir því að Héraðsbúar og nágrannar þeirra bölsótist út í þetta.  En hér kemur fréttin sem er gripin orðrétt af svæðisfréttavef Rúv.

Fulltrúar Háskólans í Reykjavík og Fjarðabyggðar hafa undirritað samstarfsyfirlýsingu um eflingu menntasamfélags í sveitarfélaginu. Ákveðið hefur verið að gera könnun á þörfum og óskum, aðstæðum og tækifærum fyrir starfsmenntun, símenntun og starfsþjálfun í landshlutanum fyrir atvinnulífið og samtök þar. Efna á til samstarfs við fyrirtæki, samtök, skóla og stofnanir og aðra sem starfa að fræðslumálum. Um leið á að reyna að meta möguleika á tæknimenntun, verkmenntun og háskólamenntun á svæðinu. Samstarfsyfirlýsingin er m.a. komin til vegna vinnu starfshóps á vegum menntamálaráðuneytisins og Fjarðabyggðar sem hefur undanfarna mánuði unnið að því að kanna hvernig efla megi nám á framhaldsskólastigi í sveitarfélaginu. Verkefninu stýrir Jón Sigurðsson fyrrum formaður Framsóknarflokksins og áður rektor á Bifröst.

Alltaf skal Fjarðabyggð vera í forystu.

Einu sinni hafði ég álit á Guðjóni

En í dag þá hefur hann tapað allri þeirri virðingu sem hann var búinn að vinna sér inn sem landsliðsþjálfari og þegar hann kom Stoke upp í 1. deild. Ég held að hann sé að yfirkeyra sig af hroka og óheiðarleika í garð íslenskrar knattspyrnu sem á ekki að koma knattspyrnuþjálfun við. Spurning hvort hann þurfi ekki að koma sér í meðferð í heiðarleika og sannyndum. Mæli með að hann einbeiti sér bara að því að vera þjálfari og hætta að láta hafa eftir sér einhverja vitleysu í fjölmiðlum.

Guðjón undrast að Bjarni sé ekki í landsliðshópnum

Danskar sjávarafurðir

 Komst að því að Larsen eru víst danskar sjávarafurðir. Spurning hvort Larsson séu þá ekki sænskar sjávarafurðir.