Er kominn heim, vildi bara láta ykkur vita.

Já ég er kominn heim úr fríi frá kóngsins Köpinhafn. Er tilbúinn að takast á við Neistaflug og því er allt eins og það á að vera. Það var frábært að vera í Danaveldinu, fengum bæði sól og rigningu og slatta af bitum(mug-bitum). Sumarhúsið var frábært, stórt og rúmgott. Bíllinn sem við leigðum var líka góður og notuðum við hann óspart. Norð-austur horn Jótlands var skoðað nokkuð vel en auk þess var farið í regnskógana í Randers og Legoland. Bjórinn var eins og maður bjóst við, bara nokkuð góður. Að endingu eyddum við síðustu þremur dögunum í kóngsins Köpinhafn auk þess að heimsækja einn af mínum bestu vinum Gnýr Guðmundsson en hann býr í Odense ásamt sinn fjölskyldu. Farið var í gönguferð með Gulla Ara og er það alltaf jafn gaman en við hjónakornin fórum líka í fyrra. Síðasta daginn fórum við svo í Tívoli þar sem börnin skemmtu sér vel og voru stóri rússíbaninn og fallturninn tæklaðir í spað. Stefnan er svo að fara aftur til Danmerkur á næsta ári og taka þá suður hluta Jótlands og Fjón í þeirri ferð.

 

                         

 

 

 

 

 

 

 

 

 

 

 

 

 

                                                                                           

Athugasemdir

[Magnús Þór Jónsson, 6.8.2007 kl. 20:53]

Huggulegt fólk í danskri sól.  Dejligt!  Verst með þetta slagsmálaaðkomulið sem var að vesenast á Neistanum.  Örugglega allt aðkomumenn!!!

[Guðmundur Arnar Guðmundsson, 7.8.2007 kl. 13:15]

Já Maggi þetta er ótrúlegt lið og ótrúlegar fréttir. Fréttirnar af öllum þessum slagsmálum eru sumar hverjar stórlegar ýktar, en eitthvað var þó um minniháttar pústra jafnt hjá heimamönnum sem aðkomuskríl.

[Guðmundur Örn Jónsson, 7.8.2007 kl. 13:21]

Velkominn heim!

Það er bara að mæta á Þjóðhátíð í Eyjum á næsta ári, þar elska allir friðinn og kyssa á kviðinn.