Trúbadorhátíð Íslands 2007

Þá er það nánast komið á hreint. Ég mun taka nett kast á kassagítar minn og misþyrma raddböndunum mínum á Trúbadorhátíð Íslands þetta árið. Það er hinn bráðgáfaði flokksbróðir minn sem er eigandi þessarar hátíðar, Guðmundur R sem skipuleggur þessa hátíð. Ég mun spila á Norðfirði á laugardagskvöldinu 6. október Á efnisskránni verða frumsaminn lög frá pönktímabilinu 84´- 85´ Sjáið þið þetta ekki fyrir ykkur, Sir Arnar uppá sviði með gítarinn í rifnum gallabuxum og grænum hermannabol sem stendur "fokk u" aftan á

Þá er það svo nokkuð ljóst að ég mun í fyrsta sinn á ferli mínum sem tónlistarmaður troða upp í Mjóafirði og er það nú að verða minn síðasti sjéns þar sem ferill minn er nánast á enda. Þar mun ég kyrja mína söngva á samt öðrum lögum þann 7. október ásamt eiganda hátíðarinnar. Ekki nóg með það, trúlega mun ég í fyrsta skiptið á ævi minni fara keyrandi í Mjóafjörð. Ég hef nefnilega farið nokkrum sinnum á bát í fjörðinn mjóa og það mundi sennilega seint teljast einhver sjómennska að sigla frá Norðfirði yfir í Mjóafjörð en það er nú samt alveg nóg fyrir mitt sjómannshjarta.

Hvet alla sem leyfi hafa til að mæta á Trúbadorhátíð Íslands 2007 sem verður helgina 5. - 7. október.

Athugasemdir

[Gulli litli, 25.9.2007 kl. 10:54]

Gangi þér vel í trúbatoraslarkinu. því miður held ég að pönktímabilinu hafi verið lokið 84-85 það hefði mín vegna mátt endast betur!

[Jenný Dögg (IP-tala skráð) 26.9.2007 kl. 15:55]

... hummmm ... málið með þessa lýsingu hjá þér á sjálfumþér í rifnum gallabuxum og svo frv.... ég nefninlega sé þig alveg fyrir mér svoleiðis... og með jafn sítt hár niður að erum og greitt í pík,.... hehehe  gangi þér annars bara vel á þessari hátíð... kveðja að norðan

[Guðmundur Örn Jónsson, 27.9.2007 kl. 08:41]

Það væri nú gaman ef þú tækir það saman á hvaða stöðum þú hefur spilað í gegnum tíðina, það er næsta víst að það kæmi jafnvel sjálfum þér á óvart hversu víða það er.

Spurning um að fá Hannes á trúbadúrahátíðina, þar var stórgóður "bodyguard" á ferðinni.

[Guðmundur Arnar Guðmundsson, 27.9.2007 kl. 10:18]

Ég gleymdi að taka eitt fram séra minn, en ég er að hugsa um að spila þarna eitt lag sem þú ert höfundur að texta ásamt mér. Svo þín verður getið á trúbadorahátíð Íslands þetta árið kæri frændi

[Guðmundur Örn Jónsson, 28.9.2007 kl. 16:55]

Gott mál, það er spurning hvort hér sé ekki um ákveðinn hápunkt á tónlistarferli mínum að ræða, þ.e. að vera nefndur á nafn þar sem fólk kann á hljóðfæri.

[Guðmundur Arnar Guðmundsson, 1.10.2007 kl. 08:45]

jú kannski, en mundu það er ekki spurning hvað maður kann heldur hvað maður gerir.

[Didda (IP-tala skráð) 5.10.2007 kl. 23:31]

Sæll kæri bróðir, sé þig fyrir mér í rifnum gallabuxum og dónalegum bol, en gangi þér vel, kveðjur úr sveitinni